Монгол Ардын Нам нь Монгол Ардын Хувьсгалт Нам (МАХН)–ын зүй ёсны эхлэл ба үргэлжлэл бөгөөд Монгол Улсын ТУСГААР ТОГТНОЛ, ХҮНИЙ ЭРХ, ЭРХ ЧӨЛӨӨ, ШУДАРГА ЁС, ЭВ САНААНЫ НЭГДЭЛ, үндэсний язгуур эрх ашгийг эрхэмлэн дээдэлсэн, социал демократ үзэл баримтлал бүхий улс төрийн байгууллага мөн.
БАЙГУУЛАГДСАН ОГНОО 1920.6.25
НАМЫН ХӨТӨЛБӨР- НАМЫН ЭРХЭМ ЗОРИЛГО
Монгол Ардын Нам нь Монгол Улсын тусгаар тогтнол, үндэсний язгуур эрх ашгийг эрхэмлэн дээдэлсэн, хүмүүнлэг, иргэний ардчилсан нийгмийг бэхжүүлсэн, өмнөх үеийн амжилт бүтээл, өнөө үеийн хичээл зүтгэл, ирээдүй хойч үеийнхээ хүсэл мөрөөдлийг тээсэн сайн сайхан нийгмийг цогцлооно.
ҮЗЭЛ БАРИМТЛАЛ
Монгол Ардын Нам нь ЭРХ ЧӨЛӨӨ, ШУДАРГА ЁС, ЭВ САНААНЫ НЭГДЭЛ, үндэсний язгуур ашиг сонирхлыг дээдэлсэн СОЦИАЛ ДЕМОКРАТ үзэл баримтлалтай улс төрийн байгууллага мөн.
Монгол Ардын Нам нь ардчилсан засаглалыг төлөвшүүлэгч, нөөц, баялгийн тэгш, хүртээмжтэй, шударга хуваарилалтыг дэмжигч, төрийн зохистой оролцоо бүхий эдийн засаг, нийгмийн сайн сайхны төлөөх дэвшилтэт үзэл санааг дээдлэгч Монгол Улсын ТУСГААР ТОГТНОЛ, ҮНДЭСНИЙ АЮУЛГҮЙ БАЙДЛЫН БАТАЛГАА, хөгжил дэвшлийн хөдөлгөгч хүч мөн.
Монгол Ардын Нам нь Монгол Улсын гадаад бодлогын үзэл баримтлалд тулгуурлан, даян дэлхийн энх тайван, улс орнуудын тогтвортой хөгжлийг эрхэмлэсэн социал демократ үзэл санааны түүчээ, төлөвшиж нягтарсан, дэвшилтэт нам мөн.
ҮНЭТ ЗҮЙЛ
Монгол Ардын Намын үнэт зүйл нь эрх чөлөө, шударга ёс, эв санааны нэгдэл мөн.
Эрх чөлөө гэж хүн бүр эрх чөлөөгөө эдлэх, сонголт хийх боломжоор хангагдаж, хүний эрх, эрх чөлөөнд дур зоргоор халдахаас хамгаалагдаж, эрх, үүрэг, хариуцлагын нэгдэл бий болсон байхыг;
Шударга ёс гэж хүн бүрд сайхан амьдрах тэгш боломжийг олгож, нийгмийн нөөцийг шударга хуваарилахыг;
Эв санааны нэгдэл гэж хүн бүр харилцан хариуцлага хүлээж, бие биенээ дэмжин, нийгмийн сайн сайхны төлөө хамтран ажиллахыг тус тус ойлгоно.
ХОЛБОО БАРИХ
Хаяг байршил:
Сүхбаатар дүүрэг, 6-р хороо, Бага тойруу, Улаанбаатар-11, Монгол Ардын Намын Төв Байр, Тусгаар тогтнолын ордон
утас: 70001921
имэйл хаяг: [email protected]
Вэб сайт : http://www.nam.mn